Бакојани не се согласува ниту со идејата за формирање заеднички Комитет за образование и историја. Таа смета дека нема потреба оека нема потреба од експертски тимови кои ќе ги „чешлаат“ историските настани кои претставуваат пречки во односите меѓу двете држави
Дора Бакојани, шефицата на грчката дипломатија, ги одби предлозите кои на 13 овој месец и ги испрати македонскиот министер за надворешни работи Антонио Милошоски со цел да се надмине долгогодишниот спор за уставното име на нашата земја. МНР вчера и официјално потврди дека официјална Атина ги одби трите конкретни предлози, оценувајќи ги понудените иницијативи како „декларативни изјави со сомнителна корист и делотворност“. Освен што ги одби предлозите на Милошоски, Бакојани за првпат во официјалната дипломатска кореспонденција помеѓу двете земји, признава дека освен името на државата, предмет на оспорување е и идентитетот на македонскиот народ.
– Во однос на прашањето за името, кое ја сочинува суштината на проблемите на кои наидуваат односите меѓу нашите земји, Грција направи значаен чекор напред прифаќајќи единствено ерга омнес сложено име, кое исто така може да го вклучи и терминот „Македонија“, со одредница која ќе ја појасни разликата меѓу Вашата земја и народ и грчка Македонија и нејзиното население.
Ова е значајно поместување од нашата првична позиција, а со надеж дека ова би можело да претставува основа за постигање на зашение – одговорила Бакојани во писмото испратено до нејзиниот македонски колега Милошоски. Бакојани не се согласува ниту со идејата за формирање заеднички Комитет за образование и историја. Таа смета дека нема потреба од експертски тимови кои ќе ги „чешлаи кои претставуваат пречки во односите меѓу двете држави. Од македонското МНР велат дека во одговорот, Бакојани навела дека е против основањето на Заедничка комисија за образование и историја, историјата била наука која ја утврдува историската вистина преку научни методи.
– Земајќи ја предвид изразената чувствителност на Грција кон прашања од историјата, би сакала да нагласам дека историјата е наука која ја утврдува историската вистина преку научни методи. Таа не може, ниту треба да биде предмет на политичка корист или на било кои други политички согледувања. Во оваа смисла, историјата не е нешто за кое може да се преговара. Историјата на античкиот свет е веќе напишана и документирана, веќе со векови, преку макотрвања од страна на меѓународно угледни историчари и археолози. Билатерална комисија не може одново да ја напише историјата – напишала грчката шефица.
Од МНР сметаат дека предложените иницијативи се сериозна намера на Македонија за да даде свој придонес во подобрување на билатералните односи со цел да се поттикне политичкиот дијалог.
– Зачудени сме што Грција повикувајќи се на европските примери одбива предлози кои можат да се сретнат во нивната, но и во европската практика – додаваат од македонското МНР.
Инаку, на почетокот од 1999 тогашниот шеф на грчката дипломатија, Јоргос Папандреу, излезе со иницијатива за унапредување на меѓусебните односи и соработка со Република Турција. Тогаш со турскиот министер Исмаил Џем се постигна согласност дека 40-годишниот прекин на соработката меѓу двете земји треба да се надмине со итно обновување на контактите меѓу претставниците на МО и на армиите, на културните и научните дејци, на бизнисмените и политичарите, невладините организации како и со потпишувањето на повеќе билатерални спогодби. Така, веќе во периодот 1999/2000 беа обновени политичките контакти и потпишани неколку билатерални спогодби за соработка меѓу кои доминираа спогодбите за соработка во трговијата и туризмот, заштитата на човековата околина и заштитата на граѓаните. На 27 мај 1999, Папандреу даде предлог да се потшише и Спогодба за соработка на полето на науката и образованието, Спогодба за културна соработка меѓу Република Грција и Република Турција беше потпишана во Атина на 4 февруари 2000 и ратификувана во грчкиот парламент на 27 јуни 2001 во која со член 1 параграф 11, се предвидува дека двете држави ќе соработуваат во прикажувањето на историјата, географијата, културата и економијата на другата земја и тоа посебно во школските книги. За таа цел тие договорија да се формира еден Мешовит експертски комитет кој ќе ги разменува и студира школските книги и ќе предлага исправки на неточностите. Мешовитиот комитет беше формиран и почна да работи од 2002 година.
Дека Бакојани одговорила на Милошоски, вчера објави и грчкиот весник „Елефтерос типос“. Тие потенцираат дека писмото кое било срочено на четири страни било испратено уште во вторникот минатата недела. Елевтерос типос пак не го потенцира негирањето на македонскиот идентитет од страна на Бакојани, но посочува дека Грција може да биде пречка за евроатлантската перспектива на земјата. Грчкиот весник пишува дека согласно соопштението на грчкото МНР, во писмото се изразувала желбата на грчката страна за конструктивни билатерални односи, при што било одбележано дека единствен предмет на преговори е спорот за името.- Атина го отфрла предлогот на Скопје за формирање на комисија и потенцира дека национализмот им пречи на евроатлантската перспектива на ПЈРМ“, се наведува во информацијата на Елевтерос типос.
VECER.COM.MK